भारतबाट नेपाल पस्यो सलह कीरा

१३ असार, काटमाडौँ । भारतमा उदण्ड मच्चाएको सलह कीरा नेपाल प्रवेश गरेको छ। तराईका जिल्ला पर्सा, बारा र सर्लाहीमा सलह किरा देखिएको छ । कृषि ज्ञान केन्द्र बाराका प्रमुख जीतेन्द्र यादवले सलह किरा नेपाल प्रवेश गरेर रुखमा बसेको अवस्थामा किसानले खबर गरेपछि सलह नेपाल प्रवेश गरेको पुष्टि भएको बताए ।

अफ्रिकाबाट युरोप हुँदै नेपाल प्रवेश गरेको सलह किराले भारतमा ठूलो क्षति निम्त्याएको छ । केही जिल्लामा देखिएको सलह किरा तराई र मधेसका जिल्लामा ठूलो क्षति गर्ने सम्भावना छ ।

सलह नेपाल प्रवेश गरेको सरकारले पनि पुष्टि गरेको छ । कृषि तथा पशुपंक्षी विकास मन्त्रालयका प्रवक्ता हरिबहादुर केसीले सलह नेपाल प्रवेश गरेको र यसबारे मन्त्रालयमा बैठक राखेर छलफल शुरु गरिएको बताए । यसअघि वैज्ञानिकले सलह नेपालमा प्रवेश गर्न नसक्ने दाबी गरेका थिए ।

तर वैज्ञानिकको सल्लाहविपरित सलह नेपाल प्रवेश गरेपछि यसले थप जोखिम निम्त्याउने आकलन गरिएको छ ।