सलक किरा नियन्त्रण गर्न सरकार गम्भिर बन्नुपर्ने कांग्रेसको भनाई

१४ असार, काठमाडौं । अफ्रिका हुँदै भारतमा समेत भोकमरी निम्त्याउन सक्ने सलह किराको रोकथाममा गम्भिर बन्न नेपाली कांग्रेसले सरकारलाई सचेत गराएको छ । सलह किरा नियन्त्रणमा लापरबाही नगर्न भन्दै कांग्रेसले ठोस कदम चल्न सरकारसँग आग्रह गरेको छ ।

साथै कांग्रेसले अहिलेसम्म सरकारले थामथुम पार्ने प्रयास मात्रै गरेको गर ठोस कदम चाल्न ढिलाई गरेकोप्रति आपत्ति जनाएको छ । काग्रेसको कृषि तथा पशुपंछी विकास मन्त्रालय समन्वय समितिका संयोजक पदमनारायण चौधरीले जारी गरिएको विज्ञप्तीमा भनिएको छ, ‘सरकारको यस किसिमको उदासिन प्रवृत्तिले नेपालीलाई एक पछि अर्को आघात पुगेको छ ।’

भारतबाट तराईका जिल्ला हुदैँ काठमाडौँ प्रवेश गरेको सलह किराले एकैदिन किसानको बालीमा ठूलो क्षति पुर्याउने क्षमता राख्ने गर्छ । तर कृषि विज्ञ र सरकारले भने किराको झुण्ड सानो भएको भन्दै नआत्तिन आग्रह गर्दै आएका छन ।