सलहको ठूलो झुण्ड नेपाल भित्रियो, थप जोखिम बढ्यो

१५ असार, काठमाडौँ । सलहको ठूलो झुण्ड नेपाल प्रवेश गरेको छ । कृषि तथा पशुपंक्षी विकास मन्त्रालयले यसअघिभन्दा ठूलो झुण्ड नेपाल प्रवेश गरेको बताएको हो ।

मन्त्रालयले सलह नियन्त्रणका लागि गठन गरेको सुचना केन्द्रका रामकृष्ष्ण सुवेदीले पछिल्लो चौबिस घण्टामा तराईका विभिन्न जिल्लाबाट ठूलो संख्यामा सलह भित्रिएको जानकारी दिएका हुन ।

ठूलो झुण्ड फेरि नेपाल प्रवेश गरेकाले त्यसले ठूलो क्षति पुर्याउने अनुमान गरिएको छ । यसका विषयमा मन्त्रालयले काम गरिरहेको र थप ठूलो झुण्ड नेपाल प्रवेश गरेमा जोखिम निम्तिने उनको भनाई छ ।

खासगरी नलवपरासी, कपिलवस्तुबाट भित्रिएर पहाडका जिल्लामा सलह भित्रिने खतरा रहेको सरकारी अधिकारीहरुको भनाई छ ।

यसअघि सरकारले नेपाल प्रवेश गरेको झुण्ड सानो रहेको भन्दै त्यसबाट नआत्तिन आग्रह गरेको थियो ।