खोकनामा प्रहरी र स्थानीयबीच हाते ट्याक्टर खोसाखोस

१५ असार, काठमाडौं । दही चिउरा खाएर रोपाई गर्ने दिनमा ललितपुरको खोकनामा झडप भएको छ । सुडोल फाँटमा खेत जोत्ने, आली लगाउने, पानी लगाउने लगायतका काम सुरु गर्नै लागेका स्थानीयलाई प्रहरीले रोकेको छ । प्रहरी र खोकनावासीबीच हाते ट्याक्टर खोसाखोस समेत भएको स्थानीयले बताएका छन ।

खोकनामा काठमाडौं–निजगढ जोड्ने फास्ट ट्र्याकका विषयमा विवाद छ । सुडोल फाँटलाई हाल फास्ट ट्र्याकको ‘जिरो किलोमिटर’ भनिन्छ । सो क्षेत्रको जग्गा सरकारले अधिग्रहण गरेको छ । त्यसैले खेतीपाती गर्न प्रहरीले रोक लगाएको हो ।

डंगोलका अनुसार स्थानीयलाई सो क्षेत्रमा खेतीपाती गर्न नदिन करिब दुई दर्जन प्रहरी परिचालन गरिएको छ । डंगोलले खेतीपाती गर्न नपाए भोकभोकै पर्ने बताए । डंगोलका अनुसार प्रहरीले रोक्न खोजे पनि स्थानीयवासीले आफ्नो काम जारी राखेका छन् ।

सरकारले यसअघि अधिग्रहण गर्ने भनेपनि स्थानीयलाई भुक्तानी दिएको छैन । भुक्तानी नदिदा स्थानीय भने समस्यामा परेका छन । यसअघि पनि खोकनामा विवाद हुदै आएको थियो । अहिले पनि विवाद भएपछि स्थानीयहरु सरकारको कार्यशैलीबाट रुष्ट बनेका छन ।