चाकरचौडाबाट १३ लाख २५ हजारको केराउ बरामद

१५ असार, कपिलवस्तु । मायादेबी गाउँपालिका-४ चाकरचौडाबाट लु.१ ख ८९५१ नम्बरको ट्रकमा अवैध रुपमा ल्याउँदै गरेको करिब १३ लाख २५ हजार रुपैयाँ मूल्य बराबरको सेतो केराउ आइतबार दिउँसो प्रहरीले बरामद गरेको छ ।

ईलाका प्रहरी कार्यालय पकडीबाट खटिएको प्रहरीले चाकरचौडाबाट पकडीतर्फ जाँदै गरेको उक्त ट्रक जाँच गर्ने क्रममा ट्रकमा ५ सय ३० वटा बोरामा रहेको केराउ फेला पारी बरामद गरेको हो ।

ट्रकसहित बरामद भएको केराउ आवश्यक कारवाहीको लागि भन्सार कार्यालय सुथौली कपिलवस्तुमा बुझाइएको जिल्ला प्रहरीले कार्यालय कपिलवस्तले जनाएको छ ।