नेपाली सेना शान्ति मिसनका लागि अफ्रिका र माली जाँदै

१८ असार, काठमाडौं । नेपाली सैनिक शान्ति मिसनका लागि सेन्ट्रल अफ्रिकन रिपब्लिक र माली जाने भएका छन् । संयुक्त राष्ट्र संघको शान्ति मिसनका लागि खटिने नेपाली सेनाका अधिकृत र जवानलाई लिएर नेपाल एयरलाइन्सको विमान असार २४ गते त्यसतर्फ प्रस्थान गर्नेछ ।

नेपाल एयरलाइन्सको वाइडबडी जहाज काठमाडौंबाट सैनिक लिएर कतारको दोहा हुदैँ सेन्ट्रल अफ्रिकन रिपब्लक पुग्नेछ । नेपालबाट गएका केही सैनिक त्यहाँ झर्नेछन् भने केही सैनिक लिएर विमान फेरि माली पुग्नेछ । मालीमा सैनिक झारेपछि विमान काठमाडौं फर्किनेछ ।

यसअघि नै शान्ति मिसनका लागि ती देशमा पुगेका नेपाली सैनिक सोही विमान चढेर स्वदेश फर्किनेछन् । ती मुलुकबाट नेपाल फर्कन सैनिकको संख्या भने थोरै संख्या रहेको छ ।

कोरोना कहर केही सामान्य बन्न थालेपछि नेपाली सैनिक शान्ति मिसनका लागि खटिएका छन । यसअघि भारतीय सेनामा कार्यरत सैनिक पनि ड्युटीका लागि त्यसतर्फ गएका छन ।