जुवातासको खालबाट नगदसहित पाँच जना पक्राउ

१९ असार, मकवानपुर । हेटौंडा उपमहानगरपालिका-७ नागसोती चौकबाट जुवातास खेलिरहेको अवस्थामा ७४ हजार ६ सय ८५ रुपैयाँ र २ बुक ताससहित ५ जनालाई प्रहरीले पक्राउ गरेको छ ।

पक्राउ पर्नेहरुमा हेटौडा उपमहानगरपालिका-७ नागसोती बस्नेहरु ५७ वर्षीय सुदर्सन फुयाल, ३७ वर्षीय उद्धब खुलाल, ४१ वर्षीय दिनेस गौतम, ३५ वर्षीय बिकास गौतम र २८ वर्षीय पूर्ण राज थिङ रहेका छन् ।

उक्त स्थानमा जुवातास खेलिरहेको भन्ने सूचनाको आधारमा ईलाका प्रहरी कार्यालय पशुपतिनगर मकवानपुरबाट खटिएको प्रहरीले उनीहरुलाई पक्राउ गरेको हो । यस सम्बन्धमा प्रहरीले थप अनुसन्धान गरिरहेको छ ।