कञ्चनपुरमा बञ्चरो प्रहारबाट एक जनाकाे हत्या

२१ असार, कञ्चनपुर । कञ्चनपुरको पुनर्वासमा छिमेकीले बञ्चरो प्रहारबाट एक जनाकाे हत्या भएका छ । पुनर्वास नगरपालिका ५ निवासी ४७ वर्षिया गोपाल कुँवरको ४० वर्षीय गोरख खडकाले शनिवार राति १० बजेतिर पछाडिबाट घाटीमा बञ्चरो प्रहार गरेर ज्यान लिएको प्रहरीले जनाएकाे छ ।

छिमेकीबीचको सामान्य विवादका कारण खड्काले बञ्चरो प्रहार गरेको मृतकका परिवारले जनाएका छन् । मृतकको घाटीमा गहिरो चोट छ । अहिले शव घटनास्थलमै छ भने फरार खड्काको खोजी कार्य भइरहेको प्रहरीले जनाएकाे छ ।

प्रहरीले घटनामा प्रयोग गरिएको हतियार समेत बरामद गर्न सकेको छैन । तत्काल कुकुर ल्याएर घटनाको थप अनुसन्धान गरिने प्रहरीले जनाएको छ ।