बालिकाको बलात्कारपछि हत्या गर्ने भारतीय नागरिक पक्राउ

२२ असार, धनुषा । जनकपुरकी ११ पर्षीया बालिकालाई बलात्कारपछि हत्या गर्ने एक जनालाई प्रहरीले पक्राउ गरेको छ । धनुषाकी ११ बर्षीया बालिका कञ्चन पजियारको केही दिनअघि बलात्कार भएको अवस्थामा शब भेटिएको थियो ।

बालिकालाई बलात्कार र हत्या गर्ने भारतीय नागरिकलाई प्रहरीले पक्राउ गरेको हो । पक्राउ पर्नेमा भारतको उत्तर प्रदेश जिल्ला मलिहावाद थाना काकोरी ग्राम पञ्चायत ११ बस्ने ३२ वर्षका दीपु सिंह रहेका छन ।

उनलाई जिल्ला प्रहरी कार्यालय धनुषाले घटनाको चारदिनपछि पक्राउ गरी सोमबार बिहान सार्वजनिक गरेको हो। उनी जनकपुरधाम उपमहानगरपालिका २१ कुर्थास्थित मिश्र र चौधरी इन्डस्ट्रिजमा कार्यरत थिए।

गएको बुधबार स्थानीय विनोद पजियारकी छोरी कञ्चन घर नजिकै आँप बगैँचामा भैँसी चाराउन गएका बेला दिपुले बलात्कार गरेर हत्या गरी स्थानीय दुधमति नदी किनाराको झाडीमा फालेका थिए ।