जाजरकोट पहिरोमा बेपत्ता १२ जनाको मृत्यु भएको पुष्टि

जाजरकोट । बारेकोट गाउँपालिका ४ सार्कीबाडामा पहिरोमा पुरिएका १२ जनाको मृत्यु भएको पुष्टि भएको छ । गएराती घरमाथि आएको पहिरोमा पुरिएका दुई घरका परिवारसहित पाहुना आएका १२ जनाको मृत्यु भएको पुष्टि भएको घटनास्थल पुगेका पत्रकार सुरेन्द्र सुमनले जानकारी दिए ।

सार्की समुदायका दुई घरका परिवारका सबैको मृत्यु भएको स्थानीयले बताएका छन । बारेकोट गाउँपालिकाका निमित्त प्रमुख प्रशासकीय अधिकृत गोविन्द बहादुर सिंहले पुरिएका सबैको मृत्यु भएको पुष्टि गरे । मृत्यु भएकामध्ये ५ जनाको शब निकालिएको छ भने बाँकीको निकाल्ने काम भइरहेको छ ।