संखुवासभामा पहिरोले ८ घर पुरिए, ११ जना बेपत्ता

संखुवासभा । संखुवासभामा पहिरो जाँदा ११ जना बेपत्ता भएका छन । सिलिचोङ गाउँपालिकामा गएराती गएको पहिरोमा परेर ११ जना बेपत्ता भएका जिल्ला प्रहरी कार्यालय संखुवासभाले जनाएको छ ।

पहिरो गएको सुचना पाउनेवित्तिकै प्रहरी घटनास्थलतर्फ गएपनि कच्ची बाटोका कारण अझै पुग्न सकेको छैन । पहिरोले ८ वटा घर पुरिएका छन भने घरमा रहेका ११ जना बेपत्ता भएका स्थानीयले बताएका छन ।

बर्षाका कारण संखुवासभाका अरु ठाउँमा पनि पहिरो गएको प्रहरीले जनाएको छ । तर सबै ठाउँको पहिरोले पुर्याएको क्षतिको विवरण आउन बाँकी छ ।