टोखाका ३ जनालाई कोरोना संक्रमण पुष्टि

काठमाडौं । टोखाका स्थानीयमा कोरोना संक्रमण देखिएको छ । टोखा नगरपालिका ६, हरियाली बस्तीका चारजनामा कोरोना संक्रमण पुष्टि भएको हो । चारजनामध्ये तीन जना स्थानीय हुन ।

काठमाडौं उपत्यकाका विभिन्न १२ ठाउँमा गरिएको कोरोना परीक्षणमा टोखाका मात्रै चार जनालाई संक्रमण पुष्टि भएको हो । टोखाको हरियाली बस्तीबाट अहिलेसम्म चार जनामा संक्रमण पुष्टि भएको हो ।

हरियाली बस्तीबाट एक सय बढीको नमूना ल्याइ जाँच गर्दा तीनजना स्थानीयसहित चारजनामा कोरोना पोजेटिभ आएको सरुवा रोग अस्पताल टेकुले जनाएको छ । उनीहरुमध्ये हरियाली बस्तीमै रहेका तीन स्थानीय हुन । उनीहरुबाट अरुमा पनि कोरोना संक्रमण फैलिएको आशंका गरिएको छ ।

सरकारले यसअघि कन्ट्याक्ट ट्रेसिङमा स्रोत नखुलेका विभिन्न स्थानका केसहरुलाई आधार मानी त्यस स्थानका कम्तिमा एक सयका दरले नमूना संकलन गरेको थियो। जसमध्ये तिनकुने लगायत धेरै ठाउँको रिर्पोट नेगेटिभ आएको थियो । केही ठाउँको रिर्पोट आउन अझै बाँकी छ ।