१० लाख पाएपछि अवैध मिर्गौला प्रत्यारोपणमा जोडिएका थिए प्रहरी

काठमाडौं । नेपाल प्रहरीका दुई जना अधिकृत १० लाख घुस पाएपछि अवैध मृगौला प्रत्यारोपण अपराधमा जोडिएको पाइएको छ ।

मानव अंग प्रत्यारोपण केन्द्र, भक्तपुरका चिकित्सक डा. राकेशकुमार बर्माको योजनामा प्रहरीका एक जना असई र अर्का निलम्बित सईलाई १० लाख रुपैपाँ घुस दिएर सलंग्न गराइएको पाइएको हो ।

अवैध मिर्गौला प्रत्यारोपणमा संलग्न १२ जनामध्ये प्रहरी सहायक निरीक्षक भीमप्रसाद खनाल र प्रहरी नायब निरीक्षक योगेन्द्रराज थपलिया समेत जोडिएका छन । दुबै जनालाई प्रहरीले पक्राउ गरेर थप अनुसन्धान गरिहेको छ ।

असई खनालले नै मिर्गौला प्रत्यारोपण गर्नुपर्ने परिवारकी जमुनाराज भण्डारीलाई बर्मासँग भेटाइदिएर भक्तपुरकी रेश्मा राईमार्फत १० लाख रुपैयाँ लिएर विचौलियाका रुपमा काम गरेका पाइएको हो ।

पक्राउ परेका खनाल र थपलिया दुवै मिर्गौला फेरिएका व्यक्ति हुन् । उनीहरुले नै मिर्गौला दिने व्यक्ति खोजी गरेको थिए । थपलियाले नक्कली कागजात तयार गर्न पनि सहयोग गरेको पाइएको छ ।