काठमाडौँमा थप ९ जनालाई कोरोना संक्रमण !

काठमाडौं । दैनिक संक्रमित बढेका बेला काठमाडौं उपत्यकामा थप ९ जनामा कोरोना भाइरस संक्रमण देखिएको छ । सोमबार राष्ट्रिय जनस्वास्थ्य प्रयोगशाला, शुक्रराज ट्रपिकल तथा सरुवा रोग अस्पताल, पाटन अस्पताल र त्रिवि शिक्षण अस्पतालमा गरिएको परीक्षणमा उपत्यकाका ९ जनालाई संक्रमण पुष्टि भएको हो ।

स्वास्थ्य तथा जनसंख्या मन्त्रालयका अनुसार संक्रमितहरु काठमाडौंका तीन, ललितपुर पाँच र भक्तपुरका एक जना छन । सोमबार उपत्यपकासँगै देशभर १ सय ४४ जनामा संक्रमण पुष्टि भएको थियो ।

यससँगै नेपालमा संक्रमितको संख्या झण्डै १७ हजार नजिक पुगेको छ । सोमबारसम्म १६ हजार ९ सय ४५ जनामा संक्रमण भएको पुष्टि भएको छ ।