मेस्सीको दुर्भाग्य : रियलले उपाधि जित्दा बार्सिलोना पराजित

२ साउन, एजेन्सी । ला लिगाका एक्ला सुपरस्टार लियोनल मेस्सीको टिम बार्सिलोना कमजोर टोलीसँग पराजित भएको छ । गएाराती घरेलु मैदान नोउ क्याम्पमा भएको खेलमा बार्सिलोना ओसासुनासँग दुई एक गोल अन्तरले पराजित भएको हो ।

बार्सिलोनाका लागि मेस्सीले गोल गरेपनि टिमलाई जिताउन भने सकेनन् । ओसासुनालाई जिताउन जोसे अर्न्नेज र रोबर्टो टोरेसले गोल गरे । गएराती भिल्लारियललाई हराउँदै रियल मड्रिडले उपाधि जित्दा बार्सिलोना भने आफ्नै घरेलु मैदानमा कमजोर टोलीसँग पराजित भएको हो ।

ला लिगा उपाधि हारेपछि अब बार्सिलोनामा च्याम्पियन्स लिगको मात्रै आशा छ । तर कमजोर बनेको टिममा त्यो सम्भावना भने कमै रहेको स्वंयम मेस्सीले स्वीकार गरेका छन ।