दिपज्योती आमा समुहद्धारा दैविक प्रकोप व्यवस्थापन कोषमा ५ हजार सहयोग

◊ चुत्र महत

२ साउन, भीरकोट । कोरोना भाइरस ‘कोभिड १९’ र दैविक प्रकोपका कारण प्रभावित भीरकोट वासीहरुको लागि राहत होस भनी विभिन्न संघसस्थाहरुले राहत रकम दिने क्रम जारी रहेको छ ।

कोभिड १९ को रोकथाम र व्यवस्थापनको लागी भीरकोट नगरपालिकाको प्रकोप व्यवस्थापन कोषमा जम्मा हुने गरी भीरकोट नगरपालिका वडा नं. ४ मा रहेको श्री दिपज्योती आमा समुहको तर्फवाट सचिव योशदा ढुङ्गाना र युवा नेता रुद्र ढुङ्गानाले रु ५ हजार नगर प्रमुख छायाराम खनाललाई प्रदान गरेका छन् ।

भीरकोट नगरपालिकाको राहत प्रकोप व्यवस्थापन कोषमा जम्मा हुने रकम वुझ्दै प्रमुख खनालले कोभिड १९ र विभिन्न खाले विप्दवाट अति प्रभावित भीरकोटवासीको समस्यालाई नगरपालिका एकले मात्र सामाधान गर्न नसक्ने हुदाँ अन्य संघ सस्था र मनकारी व्यक्तिहरुले आफु सक्य सहयोग गर्नुपर्ने भन्दै अवको चरणको राहत वितरण कार्यलाई रोजगारी संग जोड्ने बताए । हाल सम्म भीरकोट नगरपालिकाको प्रकोप व्यवस्थापन कोषमा जिन्सी र रकम प्रदान गर्नुहुने संघ सस्था र मनकारी महानुभावहरुलाई प्रमुख खनालले धन्यवाद व्यक्त गरे ।

नगर पालिकाले ४ वटा निजि विद्यालयमा १ सय जना क्षमताको क्वारेन्टाइन निर्माण गरी तयारी अवस्थामा रहेको र अहिले २२ जनालाई क्वारेन्टाईनमा राखेको र कालिका सामुदायिक अस्पतालमा ६० शैयाको आइसोलेसन निर्माण गरी अहिले ७ जना कोरोना संक्रमित रहेका छन् ।

कोभिड १९ का विरामीलाई आइसोलेसनमा राखी उपचार भइरहेको छ भने निको भएर जाने र संक्रमितभई आउने क्रम जारी रहेको प्रमुख खनालले बताए । हालसम्म भीरकोट नगरपालिकाको प्रकोप व्यवस्थापन कोषमा खाद्यान्न र नगद गरी ३७ लाख ४८ हजार ३ सय ४५ रुपैया जम्मा भएको नगर प्रवत्ता दिपेन्द्र केसीले बताए ।

लकडाउनको अवधिमा भीरकोट जन्मथलो भएतापनि कामको शिलशिलमा देश तथा विदेशमा कार्यरत भीरकोट वासीहरुसंग भिडियो कन्फ्रेस मार्फत कोविड सम्वन्धी कुराको प्रभाववाट अहिले सम्म झण्डै ७ लाख भीरकोट नगरपालिकाको प्रकोप व्यवस्थापन कोषमा रकम जम्मा भएको भन्दै लकडाउनबाट प्रभावित भीरकोटवासीलाई सहयोग गर्न चाहनेले मेगा वैक लिमिटेड वयरघारीमा रहेको नगरपालिकाको प्रकोप व्यवस्थापन कोष नामको खातामा रकम जम्मा गरी भौचर नगरपालिकामा ल्याउनको लागी प्रवत्ता केसीले बताए ।