झापामा १८ जना सशस्त्र प्रहरीलाई कोरोना संक्रमण पुष्टि

९ साउन, काठमाडौं । झापाको पूर्वी नाका काँकरभिट्टामा खटिएका १८ जना सशस्त्र प्रहरीलाई कोरोना संक्रमण पुष्टि भएको छ । नाकामा खटिएका १७ जना पुरुष र एक जना महिला सशस्त्र प्रहरीमा कोरोना भाइरसको सङ्क्रमण पुष्टि भएको स्वास्थ्य कार्यालय झापाले जनाएको छ ।

सशस्त्र प्रहरीसँग झापाका २५ जनालाई कोरोना भाइरसको संक्रमण पुष्टि भएको थियो । विराटनगरस्थित कोशी अस्पतालको प्रयोगशालामा गरिएको पीसीआर परीक्षणमा ६ जना र प्रादेशिक जनस्वास्थ्य प्रयोगशालामा गरिएको परीक्षणमा १९ जनामा सङ्क्रमण देखिएको स्वास्थ्य मन्त्रालयले जनाएको छ। झापामा ह्वात्तै संक्रमण फैलिएपछि स्थानीयमा त्रास बढेको छ भने जोखिम झन् बढ्दो छ ।