धरानमा थप एक जना संक्रमितको मृत्यु

१४ साउन, धरान । धरानमा थप एकजना कोरोना संक्रमितको मृत्यु भएको छ । बुधबार दिउँसो विराटनगरबाट रेफर गरिएका कोरोना संक्रमितको उपचारका क्रममा ४५ वर्षीय पुरुषको मृत्यु भएको हो ।

कोरोनाका कारण मृत्यु भएका व्यक्ति मोरङको सुनवर्षी नगरपालिकाका हुन् । श्वाश्प्रश्वासमा समस्या आएपछि उनलाई कोसी अस्पतालको फिभर क्लिनिकमा जाँच गर्न पुगेका थिए । जहाँ उनको स्वाब संकलन पनि भयो ।

कोरोना परीक्षणमा रिर्पोट पोजेटिभ आएपछि उनलाई आइसोलेसनमा भर्ना गरिएको थियो । पछि थप उपचारका लागि वीपी कोइराला स्वास्थ्य विज्ञान प्रतिष्ठान धरान पठाइएको थियो । धरानमा उपचार हुदै गर्दा उनको बेलुकी मृत्यु भएको थियो । यसअघि विरगञ्जमा आजै दुई जनाको मृत्यु भएको थियो ।