थप २ सय ७४ जनालाई कोरोना संक्रमण

१५ साउन, काठमाडौं । बिहीबार थप २७४ जनालाई कोरोना संक्रमण पुष्टि भएको छ । गएको २४ घण्टामा ६ हजार ३ सय ४ जनामा गरिएको परीक्षणमा २७४ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

यस्तै बिहीबार नै २२७ जना डिस्चार्ज भएका छन । यससँगै नेपालमा कोरोना जितेर डिस्चार्ज हुनेको संख्या १४ हजार २४८ पुगेको छ । अहिले संक्रमितको संख्या ५ हजार २२७ छ ।

यस्तै क्वारेन्टाइन मा १३ हजार २०१ जना रहेका छन् ।पछिल्लो समय लकडाउन खुलेपछि कोरोना संक्रमितको संख्या बिस्तारै बढ्न थालेको छ ।