२४६ जनामा संक्रमण, १११ जना डिस्चार्ज

१८ साउन, काठमाडौं । नेपालमा थप २ सय ४६ जनामा कोरोना भाइरसको संक्रमण पुष्टि भएको छ । विभिन्न प्रयोगशालामा गरिएको परीक्षणमा २४६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । पछिल्लो २४ घण्टामा पीसीआर विधिबाट ८,८६१ वटा परीक्षण भएको थियो ।

यससँगै नेपालमा कोरोना संक्रमितको संख्या २० हजार ३ सय ३२ पुगेको छ । आइतबार थप १ सय ११ जना डिस्चार्ज भएका छन् । यससँगै निको हुनेको संख्या १४ हजार ६०३ पुगेको छ । अहिले संक्रमितको संख्या ५ हजार ६ सय ७२ छ।