टेम्पो चालकलाई पनि देखियो कोरोना

१८ साउन, काठमाडौं । कोरोना भाइरसको संक्रमण बढ्दै गएका बेला काठमाडौंमा टेम्पो चालकलाई समेत कोरोना संक्रमण देखिएको छ । चार दिन अघि सुदूरपश्चिमबाट काठमाडौं आएर टेम्पो चलाउन थालेका चालकलाई कोरोना संक्रमण पुष्टि भएको हो ।

शंखमुल रुटमा टेम्पो चलाउन थालेका उनलाई कोरोना देखिएको हो । संक्रमण पुष्टि भएको खबर आउँदा उनी ट्याम्पो चार्जिङ स्टेशनमा थिए । प्रहरी र सुरक्षाकर्मीको टोलीले उनलाई त्यहीँबाट आइसोलेसन सेन्टरमा लगेका थिए ।

उपत्यकामा ७१४ वटा सफा टेम्पो छ भने करिव एक हजार चालक छन् । धेरै टेम्पो सामूहिक रुपमा ग्यारेन्जमा राख्छन् र चार्जिङ स्टेशनमा पनि भेटघाट गर्ने गर्छन् ।

यसले उपत्यकामा धेरैमा कोरोना संक्रमण फैलिएको आशंका गरिएको छ ।