मुक्तिनाथ बैंकद्धारा कर्जा मिनाहासँगै साँवाव्यजा फिर्ता

१७ साउन, स्याङ्जा । मुक्तिनाथ विकास बैक लिमिटेड शाखा कार्यालय वालिङले आफ्नो साना तथा लघु बैकिङ्ग कार्यक्रममा आबद्ध रहेकी स्वर्गीय सुवी दमैको परिवारलाई रकम हस्तान्तरण गरेको छ ।

वालिङ नगरपालिका वडा नम्वर ७ कि सुवी दमैलेले साना तथा लघु बैकिङ्ग कार्यक्रम अन्तरगत आयआर्जन गर्ने उद्देश्यले १ लाख ऋण लिएकी थिईन तर उनको निधन भएपछि बैंकले कर्जा मिनाहासँगै तिरेको साँवाव्याज समेत फिर्ता गरेको हो ।

१ लाख कर्जा मध्ये तिर्न बाँकी साँवा र व्याज ३६ हजार ३ सय ५२ रुपैयाँ बैंकले फिर्ता गरेको छ । तिरिसकेको व्याज ७६ हजार ८९ रुपैयाँ र किरिया खर्च बापत ५ हजार गरी बैंकले एकमुष्ट १ लाख १७ हजार ४ सय ४१ रुपैयाँको चेक स्वर्गीय दमैको परिवारलाई बैंकले हस्तान्तरण गरेको छ ।

वालिङ नगरपालिका वडा नम्वर ७ का अध्यक्ष पाण्डुकुमार थापा, बैंकका शाखा प्रमुख सुन्दर श्रेष्ठ, साना तथा लघु बैकिङ्ग डेस्क प्रमुख सुन्दर पौडेलले मृतक सुवी दमैका छोरा रामबहादुर दमैलाई संयुक्त चेक हस्तान्तरण गरेका हुन् ।