ओली-प्रचण्डबीच छलफल शुरु, झलनाथ र नेम्वाङ पनि सहभागी

१९ साउन, काठमाडौं । सत्तारुढ नेकपाभित्रको विवाद समाधानका लागि अध्यक्षद्धय केपी शर्मा ओली र पुष्पकमल दाहाल प्रचण्डबीच छलफल शुरु भएको छ । बालुवाटारमा बिहान ९ बजेदेखि शुरु भएको छलफलमा वरिष्ठ नेता झलनाथ खनाल र संसदीय दलका उपनेता सुवासचन्द्र नेम्वाङ पनि सहभागी छन् ।

यसअघि हिजो पनि चार नेताबीच बालुवाटारमा छलफल भएको थियो । आज थप छलफल गर्ने गरी सकिएको वार्ता निष्कर्षविहिन भएपनि प्रयास जारी रहेको नेताहरुले बताएका छन् । नेकपामा प्रचण्ड लगायतका नेताहरुले प्रधानमन्त्री तथा अध्यक्ष ओलीको राजीनामा माग गरेपछि विवाद चर्किएको हो । जुन अहिलेसम्म साम्य हुन सकेको छैन ।