थप २५९ जनालाई कोरोना संक्रमण

२० साउन, काठमाडौं । नेपालमा थप २५९ जनालाई कोरोना भाइरसको संक्रमण भएको छ । पछिल्लो चौबिस घण्टामा थप २ सय ५९ जनालाई कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

देशभरका प्रयोगशालामा ७ हजार ६८७ नमुना परीक्षण गर्दा २ सय ५९ जनामा कोरोना भाइरसको संक्रमण पुष्टि भएको छ । यससँगै देशभर कुल संक्रमितको संख्या २१ हजार ९ पुगेको छ । उनीहरुमध्ये ५८ जनाको मृत्यु भएको छ भने १५ हजार २० जना निको भएका छन् ।

पछिल्लो चौबिस घण्टामा सबैभन्दा धेरै काठमाडौंमा ४८ जना संक्रमित थपिएका छन् । यस्तै सर्लाहीका २६, मोरङका २३, कैलालीका २२, महोत्तरीमा १५, भक्तपुरमा १३, धनुषामा १३, सुनसरीका १२, अछाममा एक, बाँकेमा एक, रुपन्देहीमा ९, झापामा ८, सप्तरीमा ७, बारामा ७, रौतहटमा ६ जनालाई कोरोना संक्रमण पुष्टि भएको छ ।

यस्तै गुल्मीका ५, सल्यानका ३, इलाममा दुई, सिरहामा दुई, कपिलवस्तुमा दुई, कास्कीमा दुई, ललितपुरमा एक, धनुषामा एक, बझाङमा एक, पर्सामा एक, तनहुँमा एक, चितवनमा एक, लमजुङमा एक, पर्वतमा एक जनामा कोरोना देखिएको स्वास्थ्य तथा जनसंख्या मन्त्रालयले जनाएको छ ।

पछिल्लो समय संक्रमण बढ्दै जान थालेपछि लकडाउन वा कर्फ्यु लगाउनेतर्फ सरकारले विज्ञहरुसँग परामर्श गरिरहेको छ ।