कोरोनाले काठमाडौंमा बृद्धाको मृत्यु

२१ साउन, काठमाडौं । कोरोना भाइरसको संक्रमणबाट काठमाडौंमा एक बृद्धाको मृत्यु भएको छ । बलम्बुमा रहेको सशस्त्र प्रहरीको अस्पतालमा उपचाररत सर्लाही–६ मलंगवाकी ६५ वर्षीया महिलाको कोरोनाले मृत्यु भएको हो ।

मनमोहन अस्पतालबाट उनी १६ गते सशस्त्र प्रहरीको अस्पताल भर्ना भएकी थिइन् । उनलाई निमोनियाका साथै स्क्रब टाइफस समेत देखिएको थियो । यससँगै कोरोना संक्रमणबाट मृत्यु हुनेको संख्या ६३ पुगेको छ । पछिल्लो समय पर्सामा कोरोना मृत्तकको संख्या ह्वात्तै बढेका बेला काठमाडौंमा पनि कोरोना मृत्तक थपिएका छन् ।