थप ३६० जनामा कोरोना संक्रमण

२२ साउन, काठमाडौं । नेपालमा थप ३ सय ६० जनामा कोरोना संक्रमण पुष्टि भएको छ । पछिल्लो चौबिस घण्टामा गरिएको परीक्षणमा थप ३ सय ६० जनामा कोरोना भाइरसको संक्रमण पुष्टि भएको हो ।

बिहीबार विभिन्न प्रयोगशालामा ६ हजार ६ सय २२ जनाको पिसिआर परीक्षण गरिएको थियो । जसमा ३ सय ६० जनालाई संक्रमण पुष्टि भएको हो । यससँगै नेपालमा कोरोना संक्रमितको संख्या २१ हजार ७ सय ५० पुगेको छ। त्यस्तै बिहीबार २ सय ३३ जना कोरोनामुक्त भई घर फर्किएका छन्।

कोरोना जितेर घर फर्किनेको संख्या १५ हजार ३ सय ८९ पुगेको छ । तर अहिलेसम्म ६५ जनाले भने कोरोनाका कारण ज्यान गुमाउनु परेपको छ ।