काठमाडौंमा थप ६२ जनालाई कोरोना

२४ साउन, काठमाडौं । ‘सटडाउन’ घोषणा गरिएको काठमाडौं उपत्यकामा थप ६२ जनामा संक्रमण पुष्टि भएको छ । शनिबार गरिएको परीक्षणमा काठमाडौंमा थप ६२ जनालाई संक्रमण पुष्टि भएको हो ।

शनिबार थपिएका संक्रमितमा सबैभन्दा धेरै काठमाडौंमा ५६ जना थिए । यस्तै ललितपुरमा तीन र भक्तपुरमा तीन जना छन् । यसअघि हिजो शुक्रबार १ सय ६ जनामा संक्रमण पुष्टि भएको थियो ।

शनिबार थप ३ सय ७८ जना संक्रमित थपिएसँगै नेपालमा संक्रमितको संख्या २२ हजार पुगेको छ । यसमध्ये १६ हजार निको भएका छन् भने ७३ जनाले ज्यान गुमाएका छन् ।