एशियन लाईफकाे त्रुटी आउने क्रम कायमै, आकर्षक व्यापार देखाउन चलखेल

२७ श्रावण, काठमाडौं । एशियन लाईफ इन्स्योरेन्समा आफ्नो वित्तीय प्रतिवेदनमा चलखेल गर्ने क्रमले यो त्रैमासमा पनि निरन्तरता पाएको छ । यसअघि आर्थिक वर्ष ०७६/७७ को तेश्रो त्रैमासमा प्रतिशेयर आम्दानीलाई धेरै देखाउँदै बजारमा चलखेल गर्न खोजेको थियो, त्यसपछि नेपालबहस डटकमले सो चलखेलको विरुद्ध समाचार लेखेपछि एशियन लाइफ इन्स्योरेन्सले त्रुटी सच्याउँदै माफी मागेको थियो ।

अहिले आर्थिक वर्ष ०७६/७७ को चौथो त्रैमासमा पनि इन्स्योरेन्स कम्पनीले फेरी अर्को ठूलो चलखेल गरेको छ । कम्पनीले बजारमा आक्रामक व्यापार गरेको देखाउन कुल बीमा शुल्क आर्जनको तथ्यांक बिगारेर वित्तीय विवरण सार्वजनिक गरेको हाे ।

कम्पनीको आर्थिक वर्ष ०७६/७७को चौथो त्रैमासको वित्तीय विवरणलाई आधार मान्दा अघिल्लो आर्थिक वर्षको सम्बन्धित त्रैमासिकको अन्त्यमा कम्पनीले जम्मा १ अर्ब ७३ करोड कुल बीमा शुल्क आर्जन गरेको तथ्यांक प्रस्तुत गरेको छ । तर कम्पनीले आर्थिक वर्ष ०७५/७६को चौथो त्रैमासमा ४ अर्ब २१ करोड कुल बीमा शुल्क आर्जन गरेको थियो ।

किन घटाईयो अघिल्लो वर्षको कुल बीमा शुल्क आर्जन ?

नयाँ कम्पनीको आगमन सँगै पुराना जीवन बीमा कम्पनीहरुले आक्रामक रुपमा व्यापार विस्तार गर्न सकेका छैनन । आज प्रकाशित रिपोर्ट अनुसार एशियन लाईफको खुद बीमा शुल्कलाई आधार मान्दा ८ प्रतिशतले मात्र आफ्नो व्यापार वृद्धि गर्न सफल भएको छ । कम्पनीले कुल बीमा शुल्क आर्जन १ अर्ब ७३ करोडबाट वृद्धि भएर ४ अर्ब ५९ करोड पुगेको देखाउँदा एशियन लाईफले बजारमा आक्रामक व्यापार गरेको हल्ला फैलाउन व्यवस्थापनले चालेको एउटा चाल हुने विश्लेषण गर्न सकिन्छ ।

यसरी इन्स्योरेन्स कम्पनीले अघिल्लो आर्थिक वर्षको सम्बन्धित त्रैमासिकको अन्त्यमा कुल बीमा शुल्क आर्जन देखाउँदा करिब २ अर्ब ५० करोड कम देखाएको छ ।

आर्थिक वर्ष ७६/७७ को वित्तीय प्रतिवेदनमा कुल बीमा शुल्क आर्जनमा गरिएको चलखेल !

आर्थिक वर्ष ७५/७६ को चौथो त्रैमासको वित्तीय विवरण अनुसार :