सप्तरीमा स्वास्थ्यकर्मीसहित एकै दिन ३१ जनालाई कोरोना

◊ धीरुभाइ

२८ साउन, सप्तरी । राजविराज नगरपालिकामा २७ र रुपनी गाउँपालिकामा चार गरी सप्तरीमा एकैदिन ३१ जनामा कोरोना संक्रमण पुष्टि भएको छ । राजविराज नगरपालिका २ का १० जना, वडा नम्बर ६ का नौ जना, वडा नम्बर ७ का छ जना, वडा नम्बर ८ का एक जना र गजेन्द्रनारायण सिंह अस्पतालका एक जना स्वास्थ्यकर्मी रहेका छन् भने रुपनी गाउँपालिका ५ का तीन र वडा नं. ६ का एक जनामा संक्रमण भेटिएको स्वास्थ्य कार्यालय सप्तरीका निमित प्रमुख दुनियालाल यादवले जानकारी दिए ।

राजविराज २ का २, १२, १४, ३०, ३५, ४६ र ५० वर्षका पुरुष तथा २०, ३९ र ४३ वर्षका महिला, वडा नं. ६ का १३ महिना, ३६, ७०, ७२ र उमेर नखुलेका पुरुष तथा ३, ५, १३, २२ र ५२ वर्षका महिला, वडा नं. ७ का ३२, ३२ र ५४ वर्षका पुरुष तथा २२, ३५ र ४८ वर्षका महिला, वडा नं. ८ का २५ वर्षका महिला संक्रमित भएको उनले बताए । यसैगरी गजेन्द्रनारायण सिंह अस्पतालका ३२ वर्षिय स्वास्यकर्मी पनि कोरोना संक्रमित भएको बताइएको छ ।

त्यसैगरी रुपनी गाउँपालिका ५ का ६० वर्षका पुरुष तथा २७ र २९ वर्षका महिला तथा रुपनी ६ का २६ वर्षका पुरुष पनि संक्रमित भएको बताएको छ । बुधबार १३९ जनाको रिपोर्ट आउँदा ३१ जनामा पोजेटिभ देखिएको उनले यससँगै जिल्लामा कोरोना संक्रमितको संख्या ६१६ पुगेको बताए । जिल्लामा गएराती एक जनासहित तीन जनाको कोरोना संक्रमणको कारण मृत्यु भइसकेको बताइएको छ ।