बुटवलमा मृत्यु भएका युवककाे कोरोना रिपोर्ट नेगेटिभ

२९ साउन, रुपन्देही । बुटवल कोरोना विशेष अस्थायी अस्पतालमा मंगलबार राति मृत्यु भएका युवककाे कोरोना रिपोर्ट नेगेटिभ आएकाे छ ।  कपिलवस्तुको कृष्णनगर नगरपालिका वडानम्बर १२ का २५ वर्षीय युवक प्रदीप तेलीको पीसीआर परीक्षण रिपोर्ट नेगेटिभ आएको हाे ।

साउन २४ गते भारतको मुम्बईबाट घर आएका तेलीमा ज्वरो, खोकी र श्वास प्रश्वासमा समस्या देखिएपछि साउन २७ गते अस्पतालमा भर्ना भएका थिए । उनको सोही दिनदेखि भेन्टिलेटरको सहायतामा उपचार भइरहेकामा मंगलबार राति मृत्यु भएको थियो ।

तेलीसँगै कोरोना अस्पतालमा मंगलबार राति कपिलवस्तु नगरपालिका २ तौलिहवाका ४२ वर्षीय पुरुषको पनि मृत्यु भएको थियो । उनी भने कोरोना संक्रमित थिए ।