काठमाडौं उपत्यकामा थप १२७ जना संक्रमित

२९ साउन, काठमाडौं । काठमाडौं उपत्यकामा पछिल्लो चौबिस घण्टामा थप १२७ जनामा कोरोना संक्रमण पुष्टि भएको छ । संक्रमितमध्ये काठमाडौंमा १११, ललितपुरमा ११ र भक्तपुरमा ५ जना छन् ।

पछिल्लो समय दैनिक कोरोना संक्रमितको संख्या बढ्दै गएको छ । बिहीबार मात्रै नेपालभरीमा थप ५२५ जनामा संक्रमण देखिदा उपत्यकामा मात्रै १ सय २७ जनामा संक्रमण देखिएको थियो । यस्तै बिहीबार १ सय ९ जना डिस्चार्ज भएका छन् ।

उपत्यकामा संक्रमण बढ्दै गएपछि स्थानीय तहले सेवा बन्द गरेका छन् भने जिल्ला प्रशासन कार्यालयले अत्यावश्यक बाहेकका सेवा सुचारु गर्न सकेको छैन् ।