कर्मचारीमा कोरोना देखिएपछि दुई बैंक सिल

२९ साउन, बर्दिया । दुई वटा बैंकका कर्मचारीमा कोरोना संक्रमण देखिएपछि बर्दियाका दुई वटा बैंक सिल गरिएको छ । गुलरिया नगरपालिकास्थित मुक्तिनाथ विकास बैंक लिमिटेड र बढैयाताल गाउँपालिकामा रहेको सिटिजन बैंक लिमिटेड सिल गरिएको हो ।

कर्मचारीलाई कोरोना सङ्क्रमण भएपछि कार्यालय बन्द गरिएको बैंकहरुले जनाएका छन् । पछिल्लो समय बर्दियामा पनि संक्रमण बढ्दो छ ।