सांसद सूर्यनारायण यादवलाई कोरोना

३० साउन, जनकपुरधाम। सांसद सूर्यनारायण यादवलाई कोरोना भाइरसको सांक्रमण पुष्टि भएको छ । सप्तरी क्षेत्र नम्बर १ बाट निर्वाचित संघीय सांसद डा. यादवमा बिहीबार राति कोरोना संक्रमण पुष्टि भएको हो । ६४ बर्षीय उनी लामो समयदेखि जनकपुरधाममा क्लिनिक संचालन गर्दै आएका छन् ।

बाल रोग विशेषज्ञ समेत रहेका यादवले आफू स्वस्थ्य रहेको पनि बताएका छन् । क्लिनिकमा उपचार गराउन आएका महोत्तरीका एक बालकबाट आफूलाई कोरोना सरेको पनि उनले बताएका छन् । बालकलाई कोरोना पोजेटिभ भएका कारण आफू पनि संक्रमित भएको उनको भनाई छ । संक्रमित भएपनि अहिले अवस्था सामान्य रहेको उनले बताए ।