पाटन अस्पतालमा कोरोना संक्रमित बृद्धको मृत्यु

३२ साउन, ललितपुर । ललितपुरको पाटन अस्पतालमा कोरोना संक्रमित बृद्धको मृत्यु भएको छ । १२ दिनदेखि अस्पतालमा उपचार गराइरहेका ७२ वर्षीय पुरुषको आइतबार बेलूकी मृत्यु भएको हो ।

गंगालाल अस्पतालमा मुटुको अपरेशन गरेपछि ती बृद्धमा कोरोना भाइरसको संक्रमण पुष्टि भएको थियो । यससँगै नेपालमा कोरोना मृत्तकको संख्या १ सय ५ पुगेको छ ।

आइतबार मात्रै तीन जनाको मृत्यु भएको छ । स्वास्थ्य तथा जनसंख्या मन्त्रालयले पाटन अस्पतालमा मृत्यु भएका व्यक्तिको पुष्टि गर्न बाँकी छ ।