टीभीएसकाे लाईभ स्मार्ट मोटरसाइकल सार्वजनिक हुँदै

१ भदाै, काठमाडाैं । अन्तर्राष्ट्रिय अटोमोबाइल कम्पनी टीभीएस मोटरको २ र ४ चक्के सवारीको नेपालका लागि आधिकारिक वितरक जगदम्बा मोटर्सले सोमबारका दिन स्मार्ट कनेक्ट र एबीएससहितको आफ्नो २०० सीसीको नयाँ मोडल माेटरसाइकल सार्वजनिक गर्न लागेको छ ।

मोटरसाइकलमा भएका स्मार्ट सुविधा र महामारीको वर्तमान परिस्थितिलाई मध्यनजर राख्दै कम्पनीले उक्त मोटरसाइकल नेपालमै प्रथम पटक लाईभस्मार्ट लन्चमार्फत सार्वजनिक गर्न लागेको हो । कार्यक्रम जगदम्बा मोटर्सको आधिकारिक फेसबुक पेज लगायत अन्य १०० भन्दा ज्यादा चर्चित फेसबुक पेजमार्फत प्रत्यक्ष प्रसारण गरिनेछ।

यो कार्यक्रम एउटा खुल्ला सहभागीता मुलक समारोह रहेको छ जसमा कम्पनीले उपलब्ध गराउने लिंक (https://www.facebook.com/jmtvs/live) को माध्यमबाट इच्छुक व्यक्तिहरुले सहभागिता जनाउन पाउने छन्।

उक्त लाईभ स्मार्ट लन्च कार्यक्रममा नयाँ मोटरसाइकलको अनावरण राष्ट्रिय क्रिकेट टोलीका पूर्व कप्तान पारस खड्काले गर्ने भएका छन्। नयाँ मोटरसाइकल अनावरण बाहेक उक्त कार्यक्रममा चर्चित कलाकार स्वप्न सुमन, तृष्णा गुरुङ र समृद्धि राईले रोमाञ्चक सांगीतिक प्रस्तुति समेत हुने भएकाे छ ।