विदेशमा अलपत्र नेपालीको उद्धार स्थगित

१ भदौ, काठमाडौं । कोरोनाका कारण विदेशमा अलपत्र परेका नेपालीको उद्धार उडान सरकारले तत्कालका लागि स्थगित गरेको छ । कोरोना संकट व्यवस्थापन सञ्चालन केन्द्र सीसीएमसीले तत्काल उद्धार उडान स्थगित गर्ने निर्णय गरेको हो ।

सीसीएमसीले तत्काल उद्धार उडान स्थगित गर्न संस्कृति पर्यटन तथा नागरिक उड्डयन मन्त्रालयलाई उडानहरु स्थगित गर्न पत्र पठाएको हो । सरकारले उडान रोक्नुको खास कारण खुलाएको छैन् ।

तर उद्धारको आशमा विदेशमा रहेका नेपाली भने सरकारको निर्णयबाट दुःखी भएका छन् । यसअघि विदेशमा अलपत्र पर्नेको उद्धार हुनुपर्ने आवाज चर्केपछि सरकारले विमान चार्टड गरेर उद्धार शुरु गरेको थियो ।

३ सय जना दूतावासहरुको सिफारिसमा र अरु २ सय जना वैदेशिक रोजगार कल्याणकारी कोषको रकम खर्चेर दैनिक ५ सय जनासम्मलाई सरकारले उद्धार गर्दै आएको थियो ।