धुलिखेलमा ९८ बर्षीय संक्रमितको मृत्यु

२ भदौ, काठमाडौं । धुलिखेल अस्पतालमा उपचाररत् कोरोना संक्रमित ९८ वर्षीय वृद्धको मृत्यु भएको छ । सोमबार राति साढे १२ बजे धुलिखेल नगरपालिका ६ का रामचन्द्र श्रेष्ठको मृत्यु भएको हो।

उनको स्वासप्रश्वास, छाती तथा घाँटीमा समस्या थियो। प्लाज्मा थेरापी उपचारबाट वृद्धलाई बचाउन आफन्त लागिएपनि रगत नपाइएका कारण उनको ज्यान गएको हो ।

मृतक श्रेष्ठलाई नयाँ बानेश्वरस्थित घरमा रहँदा कोरोना संक्रमणको लक्षण देखिएको थियो। धुलिखेल अस्पतालमा पिसिआर परीक्षण गर्दा कोरोना पुष्टि भएपछि उनलाई धुलिखेल अस्पतालको आइसियूमा राखिएको थियो।