वीरगञ्जमा कोरोनाले थप एक पुरुषको मृत्यु

५ भदौ, वीरगञ्ज । पर्साको वीरगञ्जमा कोरोना संक्रमणबाट एक पुरुषको मृत्यु भएको छ । वीरगञ्ज हेल्थ केयर कोभिड अस्पतालमा उपचाररत वीरगञ्ज महानगरपालिका–१० रानीघाटका ४८ वर्षीय पुरुषको शुक्रबार मृत्यु भएको हो ।

पछिल्लो समय उनी मुटुसम्बन्धि समस्याबाट ग्रसित थिए । नारायणी अस्पतालको आईसीयुमा उपचाररत उनलाई कोरोना संक्रमण पुष्टि भएपछि साउन ३२ गते वीरगञ्ज हेल्थ केयर अस्पतालमा ल्याइएको थियो । योसँगै वीरगञ्जमा कोरोना संक्रममणबाट मृत्यु हुनेको संख्या ३४ पुगेको छ ।