हरेक १५ सेकेण्डमा एक जनाको मृत्यु

७ भदौ, काठमाडौं । विश्वव्यापी महामारी कोरोना भाइरसको संक्रमणबाट हरेक २४ घण्टामा झण्डै ६ हजार जनाको मृत्यु भएको नयाँ तथ्य सार्वजनिक भएको छ । समाचार एजेन्सी रोयटर्सका अनुसार शुक्रबारसम्म लिइएको पछिल्लो दुई साताको आँकडाका आधारमा हरेक दिन ५ हजार ९ सय जनाले ज्यान गुमाइरहेका छन् ।

यसआधारमा हेर्दा एक घण्टामा २४६ जनाको मृत्यु भएको छ भने प्रति १५ सेकेण्डमा एक व्यक्तिले कोरोनाका कारण ज्यान गुमाउनु परेको छ । जोन्स हापकिन्स विश्वविद्यालयका अनुसार विश्वभर कोरोना संक्रमणबाट मृत्यु हुनेको संख्या ८ लाख पुगेको छ ।

सबैभन्दा धेरै अमेरिकामा १ लाख ७५ जनाको मृत्यु भएको छ । नेपालमा भने अहिलेसम्म झण्डै डेढ सय जनाको मृत्यु भएको छ ।