अनलाईन खबरका पत्रकारलाई कोरोना संक्रमण

७ भदौ, काठमाडौं । नेपालको नम्बर एक न्युज पोर्टल अनलाईनखबर डटकमका दर्जन बढी पत्रकारलाई कोरोना संक्रमण भएकाे खबर छ । हिजाे शनिबार एकजना पत्रकारमा कोरोना देखिएपछि थप परीक्षण गर्दा दर्जन बढी पत्रकारमा संक्रमण पुष्टि भएको अनलाईनखबरमा कार्यरत एक पत्रकारले नेपालबहस डटकमलाई जानकारी दिए ।

नाम नखुलाउने शर्तमा उनले बताएअनुसार दुई जना रिर्पोटरमा शुरुमा संक्रमण देखिएको थियो । थप परीक्षण गर्दा डेस्कमा काम गर्ने तीन जनामा पनि कोरोना पुष्टि भएको थियो । त्यसपछि सबैको परीक्षण गर्दा झण्डै दर्जन पत्रकारलाई कोरोना संक्रमण पुष्टि भएको हो ।

धेरै जनामा कोरोना देखिएपछि अनलाईनखबरले घरबाटै काम गर्न निर्देशन दिएको छ । तर अहिलेसम्म यसबारेमा अनलाईनखबरले आधिकारिक जानकारी भने सार्वजनिक गरेको छैन् ।