सर्लाहीमा संक्रमित महिलाको मृत्यु

७ भदौ, जनकपुरधाम । सर्लाहीको लालबन्दीकी एक महिलाको कोरोनाबाट मृत्यु भएको छ । ३३ वर्षीया उनको शनिबार काठमाडौंको ओम अस्पतालमा उपचारका क्रममा मृत्यु भएको हो ।

एक साताअघि ज्वरो आएर स्वास्थ्य अवस्था बिग्रिदै गएपछि उनलाई उपचारका लागि चितवनको भरतपुर लगिएको थियो । तर त्यहाँको अस्पतालले भर्ना लिन नमानेपछि काठमाडौं ल्याइएको थियो ।

ओम अस्पतालमा उपचारकै क्रममा उनको स्वाब संकलन गरिएको थियो । स्वाबको रिपोर्ट पोजेटिभ आएको र उनको शनिबार बिहान मृत्यु भएको हो । यससँगै सर्लाहीमा कोरोनाबाट ज्यान गुमाउनेको संख्या ३ पुगेको छ ।