अन्त्येष्टि गर्ने बेलामा कोरोना पुष्टि

७ भदौ, बुटवल । रूपन्देहीका एक पुरुषको मृत्युपछि अन्त्येष्टि गर्ने बेला कोरोना रिर्पोट आएको छ । रोहिणी गाउंपालिका –३, धकधईका ५३ वर्षीय पुरुषको शनिबार उपचारका लागि लैजाँदै भारत लैजादै गर्दा मृत्यु भएको थियो ।

भारतको नौतनवामा मृत्यु भएपछि फेरि नेपाल ल्याएर परीक्षणका लागि स्वाब दिइएको थियो । स्वाब परीक्षणमा उनको रिर्पोट पोजेटिभ आएको हो । मृत्युपछि दाहसंस्कार गर्न घाटमा शव पुर्याइएको थियो ।

घाटमा पुर्याएर जलाउने बेलामा मोबाइलमा कोरोना पोजेटिभ रिर्पोट आएपछि मलामीको भागाभाग भएको थियो । आफन्तले भने प्रशासन र जनप्रतिनिधिको आग्रहलाई बेवास्ता गर्दै शव जलाएका छन् ।