विराटनगरमा संक्रमित पुरुषको मृत्यु

८ भदौ, विराटनगर । विराटनगरमा थप एकजना संक्रमितको मृत्यु भएको छ । कोशी अस्पताल कोभिड १९ उपचार केन्द्रमा आइतबार राति विराटनगर–८ का ६५ वर्षीय पुरुषको उपचारका क्रममा मृत्यु भएको हो ।

४ भदौमा स्वाब संकलन गरेका पुरुषको आइतबार कोरोना पोजेटिभ रिपोर्ट आएको थियो । श्वासप्रश्वासमा समस्या भएपछि उनलाई आइतबार बेलुकी नै कोशी अस्पताल कोभिड १९ उपचार केन्द्र विराटनगरमा भर्ना गरिएको थियो ।

कन्ट्याक ट्रेसिङमा परेका उनको उपचारकै क्रममा मृत्यु भएको हो । यससँगै विराटनगरमा कोरोना संक्रमणका कारण ज्यान गुमाउनको संख्या १० पुगेको छ ।