मृगौला रोग पीडित बुटवलका संक्रमितको भक्तपुरमा मृत्यु

८ भदौ, काठमाडौं । भक्तपुरमा उपचाररत् बुटवलका कोरोना संक्रमित पुरुषको मृत्यु भएको छ । भक्तपुरस्थित सहिद धर्मभक्त राष्ट्रिय प्रत्यारोपण केन्द्रमा उपचाररत ५४ वर्षीय पुरुषको कोरोना भाइरसको संक्रमणबाट मृत्यु भएको हो ।

बुटवल निवासी उनको आइतबार दिउँसो मृत्यु भएको हो । उनको अन्तिम संस्कार पनि भइसकेको छ। मृगौला रोग पीडितसमेत रहेका पुरुष डायलासिस गराउँदै आएका थिए।