वीरगञ्जमा मृत्यु भएका बृद्धमा कोरोना संक्रमण पुष्टि

९ भदौ, पर्सा । वीरगञ्जमा एक जना पुरुषमा मृत्युपछि कोरोना सङ्क्रमण पुष्टि भएको छ । वीरगञ्जमा रहेको अस्थायी कोभिड विशेष अस्पतालमा उपचारका क्रममा ज्यान गुमाएका पुरुषमा कोरोना सङ्क्रमण पुष्टि भएको जिल्ला प्रशासन कार्यालय पर्साले जनाएको छ ।

जिराभवानी गाउँपालिका वडा नम्बर ४ का ६८ वर्षीय पुरुषको आइत‍बार राति १० बजे ज्यान गएको थियो । मृत्युपछि स्वाब संकलन गरिएकोमा हिजो बेलुकी कोरोना सङ्क्रमण भएको रिपोर्ट आएको जिल्ला प्रशासन कार्यालय पर्साका प्रशासकीय अधिकृत विनय श्रीवास्तवले जानकारी दिए ।