युनाइटेड फाइनान्स छोडेका पोखरेल नेपाल इन्स्योरेन्समा नियुक्त

१० भदौ, काठमाडौं । केही महिनाअघि मात्र युनाइटेड फाइनान्सको नायब प्रमुख कार्यकारी अधिकृतबाट राजीनामा दिएर बाहिरीएका ईश्वर पोखरेल नेपाल इन्सुरेन्स कम्पनीको नायब प्रमुख कार्यकारी अधिकृतमा नियुक्त भएका छन् । उनीसँग नेपाल एसबिआई, स्ट्याण्डर्ड चार्टर्ड बैंक नेपाल लगायत ठूलो बैंकहरूमा पनि काम गरेकाे अनुभव छ ।

कम्पनी सञ्चालक समितिको हिजो बसेको बैठकले नायब प्रमुख कार्यकारी अधिकृतमा पोखरेललाई नियुक्त गर्ने निर्णय गरेको हो । बैठकले इन्सुरेन्सको नायब महाप्रबन्धकमा निरज बस्नेतलाई नियुक्त गर्ने निर्णय गरेको थियो । बस्नेतसँग यस अघि प्रिमियर इन्स्योरेन्सको लेखाशाखा प्रमुख भएर काम गरेकाे अनुभव छ ।