सेनाको पश्चिम पृतना बाँकेमा ५१ सैनिकलाई संक्रमण

१० भदौ, नेपालगञ्ज। बाँकेमा एकैदिन ५१ जना सैनिकलाई कोरोना संक्रमण पुष्टि भएको छ । भेरी अस्पताल नेपालगञ्जको प्रयोगशालामा गरिएको परीक्षणमा ५१ जना सैनिकसहित ७३ जनामा कोरोना देखिएको हो ।

कोहलपुर नगरपालिका–१ कौशिल्या नगरस्थित नेपाली सेनाको पश्चिम पृतना शिक्षालय ब्यारेकबाट १०० जनाको नमुना परीक्षण गर्दा ५१ जनामा कोरोना भाइरस संक्रमण पुष्टि भएको जिल्ला स्वास्थ्य कार्यालय बाँकेले जनाएको छ ।

भेरी अस्पतालमा गरिएको परीक्षणमा भेरी अस्पतालका एकजना डाक्टर, नेपाल टेलिकमका कर्मचारीदेखि स्वास्थ्यकर्मीसमेत कोरोना संक्रमित रहेका स्वास्थ्य कार्यालय बाँकेले जनाएको छ ।

योसँगै बाँकेमा कोरोना संक्रमितको संख्या ९ सय ४२ पुगेको छ । ५ जनाको भने मृत्यु भएको छ ।