लक्ष्मी बैंकको अध्यक्षमा नेपाल, आज नै अनलाईनबाट शपथ

१७ भदौ, काठमाडौं । लक्ष्मी बैंक लिमिटेडको संस्थापक शेयरधनी नागरिक लगानी कोषको तर्फबाट प्रतिनिधित्व गर्दै काेषका कार्यकारी निर्देशक रमण नेपाल बैंक संचालक समितिकाे अध्यक्ष बनेका छन् ।

नेपालले आजबाट औपचारीक कार्यभार सम्हालेका छन् । बैंकको सञ्चालक समितिको बुधबार बसेको बैठकले नेपाललाई अध्यक्ष छानेसँगै उनले आज नै शपथ खाएका छन् ।

नेपाल राष्ट्र बैंकका गभर्नर महाप्रसाद अधिकारीसँग नवनियुक्त अध्यक्ष नेपालले आज नै भर्चुअलमार्फत पद तथा गोपनियताको शपथ लिएका हुन् । नयाँ बैंक तथा वित्तीय संस्था सम्बन्धि ऐनले अध्यक्षले गभर्नरसँग शपथ लिनु पर्ने कानुनी व्यवस्था गरेको छ ।

उनी २०७५ फागुनदेखि बैंकको सञ्चालक समिति सदस्य थिए । नेपाल राष्ट्र बैंकमा ३० वर्ष सेवा अवधि पुरा गरी निर्देशकको पदबाट सेवानिवृत्त भएका हुन् ।