बुटवलमा ५७ बर्षीय पुरुष संक्रमितको मृत्यु

१७ भदौ, बुटवल । रुपन्देहीमा कोरोना भाइरसको संक्रमणबाट थप एक जनाको मृत्यु भएको छ । भैरहवाको भीम अस्पतालमा उपचाररत बुटवल उपमहानगरपालिका– ६ सब्जीमण्डीका ५७ बर्षीय पुरुषको कोरोनाले मृत्यु भएको हो ।

भदौ १५ गतेदेखि आईसीयूमा उपचाररत उनलाई बुधबार दिउँसो ३ बजे हृदयघात भएपछि मृत्यु भएको हो । १० वर्षअघि मुटुको शल्यक्रिया गरेका उनले नियमित औषधि सेवन गर्दै आइरहेका कोरोना देखिपछि गाह्रो भएको थियो । मृतककी श्रीमतीको पनि आईसीयूमै राखेर उपचार भइरहेको छ ।