लोकतान्त्रिक बुद्धिजीवी संघको केन्द्रीय सदस्यमा अधिवक्ता बद्री पौडेल मनोनित

१८ भदौ, स्याङ्जा । नेपाली कांग्रेसका युवा नेता, अधिवक्ता एवं समाजसेवी बद्रीकुमार पौडेल नेपाल लोकतान्त्रिक बुद्धिजीवी संघको केन्द्रीय सदस्यमा मनोनित भएका छन् ।

नेपाल प्रजातान्त्रिक महासंघमा आवद्ध नेपाल लोकतान्त्रिक बुद्धिजीवी संघ नेपाली कांग्रेसको शुभेच्छुक संस्थाको रुपमा देशभर संगठित संस्था हो ।

प्रजातान्त्रिक विचारधाराप्रति आस्थावान विभिन्न पेशा व्यवसायमा आबद्ध सो बुद्धिजीवी संघमा स्याङ्जा जिल्लाको आँधीखोला ५ निवासी अधिवक्ता पौडेललाई संयोजक प्रा डा. यमबहादुर क्षत्रीको सिफारिसमा नेपाल प्रजातान्त्रिक महासंघका केन्द्रीय अध्यक्ष गोविन्दप्रसाद शर्माले हिजो मनोनित गर्दै हार्दिक बधाई तथा सफलताको शुभकामना व्यक्त गरेका छन् ।

केन्द्रीय सदस्यमा मनोनित भएका पौडेल नेपाल प्रहरीका पूर्व प्रहरी निरीक्षक पनि हुन् । अत्यन्तै मिलनसार र पार्टी गतिविधिमा निरन्तर सक्रिय पौडेलको मनोनयनलाई लिएर कांग्रेसमा आबद्ध सबै व्यक्तिहरु हर्षले गदगद् भएको बताइएको छ ।